00:00 07 апреля 2012 г.
Илемлĕх мелĕсемпе сывă пурнăç йĕркине пропагандăлас тĕллевпе Элĕкри ачасемпе çамрăксен пултарулăхĕн центрĕнче республикăри ача-пăчасен «Хура тĕссĕр пуçне – ыттисем пурте» конкурсăн районти тапхăрĕ иртнĕ. Унта 6 шкулти 26 пултарулăх хайлавĕ хутшăннă.
«Çемье ăшши» номинацире Вутланти пĕтĕмĕшле пĕлÿ паракан шкулти 6-мĕш класра вĕренекен С.Александрова çĕнтернĕ. Иккĕмĕш вырăнта – Карачура шкулĕнчи 2-мĕш класри В.Илларионова. Виççĕмĕш вырăна Шĕмшеш шкулĕнчи 6-мĕш класри К.Николаевăпа Элĕк шкулĕнчи 1«б» класри И.Алексеева пайланă.
«Сывă пулатпăр – телейлĕ пулатпăр» номинацире Юнтапа шкулĕнчи пĕрремĕш класри О.Кузьмина пĕрремĕш пулнă, Мăн Вылă шкулĕнчи 7-мĕш класри В.Тихоновăпа 6-мĕш класри М.Парамонов – иккĕмĕшпе виççĕмĕшсем.
Вутлан шкулĕнчи пиллĕкмĕш класри Д.Трофимов «Пурнăç – иксĕлми пултарулăх» номинацире виççĕмĕш вырăн йышăннă.