00:00 21 апреля 2012 г.
Элĕкри ача-пăча библиотекинчен ачасем кунĕпех татăлмаççĕ. Уроксем хыççăн чылай ача тĕрлĕ ыйтусемпе вулавăша килет. Пĕрисем илемлĕ литература вуласшăн, теприсем çĕнĕ хаçат-журналпа паллашасшăн. Арçын ачасем техника, спорт темипе ытларах интересленеççĕ пулсан, хĕр ачасем çыхма, тĕрлеме вĕрентекен кĕнекесемпе журналсене кăмăллаççĕ.
Библиотекăн вулав залĕнче кашни паллă уявпа тĕрлĕ мероприятисем иртеççĕ. Нумаях пулмасть космонавтика кунне халалласа викторина пулчĕ. Унта Элĕк шкулĕнчи 4»б» класра вĕренекенсем хутшăнчĕç. Ачасем хаваспах ыйтусем çине хуравларĕç. Даниил Петровпа Яна Семкина пуринчен те нумайрах бал пухса çĕнтерÿçĕсем пулса тăчĕç. Вĕсене библиотека ĕçченĕсем асăнмалăх парнесем парса хавхалантарчĕç.
Г.МИРОНОВА.