00:00 25 апреля 2012 г.
Район администрацийĕнче республикăри амăшĕн (çемье) капиталĕн пирвайхи сертификачĕсене савăнăçлă лару-тăрура пачĕç.
Райадминистраци пуçлăхĕн пĕрремĕш çумĕ Л.М.Никитина республикăри амăшĕн капиталĕ нумай ачаллă çемьесемшĕн хушма пулăшу пулса тăнине палăртрĕ. Район администрацийĕн социаллă хÿтлĕх пайĕн начальникĕ Г.М.Григорьева пурне те телей сунчĕ.
Лидия Никитина 4 çемьене республикăри амăшĕн капиталĕн сертификатне пачĕ. Ку хаклă хута Уйкас ялĕнчи Емельяновсен çемйи виççĕмĕш ача çуратнăшăн, Чăрăшкассинчи Захаровсемпе Вăрманкасри Владимировсем тăваттăмĕш пепкешĕн, Хураварти Николаевсем вара пиллĕкмĕш ачашăн тивĕçнĕ.
Çулталăк пуçланнăранпа социаллă хÿтлĕх пайне амăшĕн капиталне илме ыйтса 13 заявлени пынă, улттăшĕ пирки сертификатсем пама йышăннă.