00:00 11 мая 2012 г.
К.Иванов ячĕллĕ Чăваш патшалăх драма театрĕнче ĕç династийĕсен республикăри 10-мĕш слечĕ иртнĕ. Унта промышленноçра, суту-илÿре, вĕрентÿре, культурăра, ял, вăрман хуçалăхĕсенче, строительствăра тата ытти отрасльте вăй хуракан ĕç династийĕсем пухăннă.
34 ĕç династийĕн представителĕсем Чăваш Ен Пуçлăхĕнчен Тав хучĕ тата хаклă парнесем илме тивĕçнĕ. Вĕсен шутĕнче Элĕкри Никифоровсем те. Тăвансен пĕтĕмĕшле ĕç стажĕ 105 çул. Династи пуçлăхĕ Лидия Никифорова. Унăн ĕç биографийĕ 1954 çултан пуçланнă та пенсие тухичченех пынă. Лидия Григорьевна Элĕкри ача-пăча библиотекинче 35 çул ĕçленĕ. Унăн хĕрĕ те амăшĕн çулĕпе кайнă. Л.Никифорован йăмăкĕ те хăйĕн пурнăçне библиотекăпа çыхăнтарнă.
Династи – ĕçченлĕхе кăтартакан ырă тĕслĕх.