00:00 20 июня 2012 г.
Йăлкăшри Кононовсем вунă çул каялла хресчен-фермер хуçалăхĕ йĕркеленĕ. Çĕнĕ хуçалăха ертсе пыма çамрăккине, Сергей Леонидовича, шаннă.
Малтанхи утăмсем çăмăлах пулмасан та малаллах талпăннă. Çулсерен 100 гектартан кая мар çĕре сухаласа акнă, выльăх-чĕрлĕх валли апат хатĕрленĕ. Халĕ 4-5 пуç ĕне выльăх тата «Романовский» ăратлă сурăхсем тытаççĕ. Юлашки çулсенче 250 пуçа яхăн хур усрама пуçланă.
Кăçал Кононовсем çĕр улми 20 гектар лартнă. Ĕмĕт-тĕллевсем пысăк. Ашшĕ, Л.Кононов, ывăлĕсене çĕр ĕç вăрттăнлăхĕсене ăша хывма пулăшать, сĕнÿ-канаш парать. Валентина Гурьевна вара бухгалтер ĕçĕсене йĕркелесе пырать.
Ю.МАРЕЕВА.