00:00 11 июля 2012 г.
Муркаш районĕнче çамрăк геологсен республикăри слечĕ иртнĕ. Унта Элĕк шкулĕнчи геологсем те хутăшнă. Тавра пĕлÿçĕсен пĕрлешĕвне географи предметне вĕрентекен, ачасемпе çамрăксен пултарулăх центрĕн хушма пĕлÿ педагогĕ Людмила Петрикова ертсе пырать. Пĕрлешĕве ачасем кашни çулах ытларах та ытларах хутшăнаççĕ.
Слета çамрăк геологсем чылай малтан хатĕрленме тытăннă. Конкурссем вара питĕ çивĕч те кăсăклă иртнĕ: теори ыйтăвĕсем, минералогипе палеонтологи, геологи куравĕ, гидрологи, геологи маршручĕ, шлих тĕпчевĕ, спорт тупăшăвĕсем, стена хаçачĕ тата ытти те.
Элĕк ачисем слетра маххă паман, ытти çулсенчи пекех кашни ăмăртурах пысăк ăсталăхпа пултарулăх кăтартнă.
В.ГЕННАДЬЕВ.