00:00 14 июля 2012 г.
Кăçал пирĕн района автомобиль çулĕсем тума, юсама тата вĕсене йĕркеллĕ тытса тăма бюджетран 20263,8 пин тенкĕ уйăрма пăхнă. Çакăнтан 16796 пин тенки – республикăран, 3467,8 пинĕ – районтан.
Район пĕлтерĕшлĕ автоçулсене тытса тăма 13603,3 пин тенкĕ каять. Автомобиль çулĕсене юсамашкăн 3208,7 пин тенкĕ уйăраççĕ. Ял тăрăхĕсенчи автоçулсене тытса тăма тата юсама 3451,8 пин тенкĕ тăкаклама палăртнă.
Кăрлач-çĕртме уйăхĕсенче районĕпе çул-йĕр ĕçĕсене 10271,6 пин тенкĕлĕх пурнăçланă. Вырăнти пĕлтерĕшлĕ çулсене тытса тăма 7409,5 пин тенкĕ тăкакланă (çулталăклăха палăртнин 36,6 проценчĕ). Ялсем хушшинчи çулсене 2207,7 пин тенкĕлĕх юсанă, пурнăçланă ĕçсемшĕн 972,7 пин тенкĕ тÿленĕ.