00:00 18 июля 2012 г.
Районта пурăнмалли çурт-йĕре лайăхлатма социаллă тÿлев илме свидетельствăсем парасси малалла пырать. Иртнĕ кунсенче район пуçлăхĕн тивĕçĕсене вăхăтлăха пурнăçласа пыракан çумĕ Л.М.Никитина çак свидетельствăна вырăнти икĕ çынна – Александр Удякова тата Евдокия Николаевăна пачĕ. Çак çăмăллăхпа «Ялсен 2012 çулсенчи социаллă аталанăвĕ» федераллă тĕллевлĕ программăпа килĕшÿллĕн усă кураççĕ. Мероприятире Лидия Михайловна свидетельство илнисене саламларĕ.
Ку программăпа килĕшÿллĕн кăçал района патшалăх ялта пурăнакансене тата унтах ĕçлекенсене кил-çурт çавăрма социаллă тÿлев илме 1869 пин тенкĕ, çамрăк специалистсемпе çамрăк çемьесене валли 3560 пин тенкĕ уйăрса панă. Çавна май 2012 çул пуçланнăранпа пурĕ 2 çамрăк специалиста 1623,1 пин тенкĕлĕх тата 4 çынна 1792,5 пин тенкĕлĕх свидетельство панă.