00:00 18 июля 2012 г.
Пĕтĕмшле пĕлÿ парассине модернизацилессине тĕпе хурса, районти вĕренÿ учрежденийĕсенче ачасене апатпа çĕнĕлле тивĕçтерессипе комплекслă ĕçсем пыраççĕ. Районти вĕренÿ, социаллă аталану, çамрăксен политикин тата спорт пайĕн хушăвĕпе килĕшÿллĕн Элĕкри И.Я.Яковлев ячĕллĕ вăтам шкулта ку тĕлĕшпе юсав ĕçĕсем пуçланнă. Асăннă шкул столовăйне пĕр миллион тенкĕлĕх çĕнĕ оборудовани кÿрсе килмелле. Капиталлă юсав ĕçĕсем ирттернĕ тапхăрта шкулти апат-çимĕç блокĕнчи электропралука пĕтĕмĕшле улăштарма, пăс туртакан вентиляцисене вырнаçтарма, холодильниксене валли урайсене тикĕслеме плитасем çыпăçтарма палăртнă. Ку тĕлĕшпе юсав ĕçĕсем çывăх вăхăтра вĕçленмелле.
Н.НИКОЛАЕВА,
вĕренÿ управленийĕн методисчĕ.