00:00 21 июля 2012 г.
Питрав кунĕнче «Новый путь» хуçалăх ĕçченĕсем тата ял тăрăхĕнчи маттур активистсем парнесене тивĕçрĕç. Шупашкартан та хăнасем йышлăн килнĕ. Чăваш Наци Конгресĕн вице-президенчĕ В.А.Иванов профессор пухăннисене уявпа саламланă май, Л.А.Ефимов профессора «300 лет Михаилу Васильевичу Ломоносову» асăну медальне çакса ячĕ. «Лев Архипович элĕксемшĕн, Раççейĕн паллă ăсчахĕ пекех тарăн йĕр хăварса пыракан сумлă ят. Çавăнпа та ăна çак медальпе Раççей историйĕн çулталăкĕнче чыс туни питех те вырăнлă», – палăртрĕ вăл.
Чăваш Сурăмĕнчи Л.А.Ефимов 200-е яхăн наука ĕçĕ çырнă. Вăл шутран 30 ытла кĕнеке, 7 монографи. Вăл ертсе пынипе пухса хатĕрленĕ Элĕк энциклопедийĕ вара Раççей шайĕнчи конкурсра çĕнтернĕ. Çывăх вăхăтра энциклопедин иккĕмĕш кĕнеки кун çути курĕ.
К.СОРМСКАЯ.