Новости » Мăшăрсем ĕçре пиçĕхнĕ

00:00 25 июля 2012 г.

Юманлăхри Ильинсем 1962 çултанпа пĕрле. Нумаях пулмасть вĕсен ылтăн туй пулчĕ. Кил хуçи арçынĕ Юрий Алексеевич хăйĕн ĕç биографине «Правда» хуçалăхпа çыхăнтарнă. Вăл 1960-1965-мĕш çулсенче виççĕмĕш бригадăн бригадирĕнче ĕçленĕ. 1968 çулта Чăваш ял хуçалăх институтĕнчен вĕренсе тухнă, агроном дипломне алла тытнă. Хыççăн «Правдăра» агрономра сакăр çул вăй хунă. Экономист та пулнă. Ĕçри хастарлăхшăн Ĕçлĕх Хĕрлĕ Ялав орденне парса чыс тунă. Ытти наградăсене те тивĕçнĕ. Мăшăрĕ – Екатерина Ильина – Вырăс Сурăм, Юманлăх, Ехремкасси шкулĕсенче ачасене биологипе географи предмечĕсене вĕрентнĕ. «Чăваш Республикин тава тивĕçлĕ учителĕ» хисеплĕ ята тивĕçнĕ.

Мăшăрсем виçĕ ачана пăхса çитĕнтернĕ.

Л.ПЕТРОВ.