00:00 01 августа 2012 г.
Халĕ Аслă Британин тĕп хулинче Лондонра ХХХ Олимп вăййисем пыраççĕ. Олимп путевкисене Чăваш Енрен пилĕк спортсмен тивĕçнĕ. Вĕсен йышĕнче Элĕк районĕн хĕрĕ – Альбина Майорова та пур. Вăл Эренар ялĕнче çуралса ÿснĕ. Унăн çурла уйăхĕн 5-мĕшĕнче старта тухмалла пулать. Марафонисткăн 42 километр та 195 метр чупса тухма тивет.
Альбина Майоровăшăн ку иккĕмĕш Олимп старчĕ. Пирĕн ентеш Африкăра марафон дистанцине тухнăччĕ. Халĕ акă каллех вăрăм дистанци кĕтет.
Альбинăн тренерĕ Михаил Кузнецов та пĕрле пулĕ. Вĕсем ыттисемпе пĕрлех Олимп ялĕнче пурăнĕç. Эренар хĕрĕ малтисен йышне лекессе кашни чăтăмсăр кĕтет.
Л.СИДОРОВ.