Новости » Райпо команди чемпион пулса тăнă

00:00 01 августа 2012 г.

Районта кăçалхи футбол чемпионачĕ вĕçленчĕ. Ăмăртăва пурĕ пилĕк команда хутшăнчĕ: Элĕк, Ехремкасси, Тавăт, Шĕмшеш ял тăрăхĕсем тата Элĕк райповĕ. Чемпионат питĕ интереслĕ иртрĕ. Элĕк райпо команди пĕлтĕрхи пекех пĕрремĕш вырăна тухрĕ, кубока тивĕçрĕ. Юлашки турта иккĕмĕш вырăна тухассишĕн кĕрешекен командăсем пĕр-пĕринпе тĕл пулчĕç. Тавăтсем ехремкассисене хăйсем патĕнче кĕтсе илчĕç. Командăсем футболла ăста выляссипе палăрчĕç. Вăйă 3:2 шутпа ехремкассисем çĕнтернипе вĕçленчĕ. Çапла майпа Ехремкасси ял тăрăхĕн команди иккĕмĕш пулса тăчĕ. Тавăтсен команди вара виççĕмĕш вырăна тухрĕ.

С.КИРИЛЛОВА.