00:00 08 августа 2012 г.
Чăваш Республикинчи муниципалитет тытăмĕсен ертÿçисемпе специалисчĕсен делегацийĕ анчахрах Алтай крайне кайса килнĕ. Делегаци йышĕнче пирĕн районти Ехремкасси ял тăрăхĕн пуçлăхĕ Вячеслав Михайлович Ефимов та пулнă.
Барнаул хулинчи регионсем хушшинчи семинарта Алтай крайĕнчи вырăнти хăй тытăмлăх органĕсен ĕç опытне тĕплĕн тишкернĕ. Семинар вĕçĕнче «Алтай крайĕн муниципалитет тытăмĕсен канашĕ» Ассоциаци тата Чăваш Республикинчи муниципалитет тытăмĕсен канашĕ пĕр-пĕринпе тачă çыхăнса ĕçлесси çинчен килĕшÿ çине алă пуснă.
Семинара хутшăннисене Барнаул хулине кăтартса çÿренĕ, вĕсем В.М.Шукшинăн Пĕтĕм Раççейри музей-заповедникĕнче тата Г.С.Титов космонавтăн тăван çĕршывĕнче – Косихино районĕнче пулнă.
Каялла таврăннă чухне Тюмень хулинче Чăваш Ен делегацине Тюмень облаçĕнчи чăваш-йăхташсен Ассоциацийĕ йышăннă.