00:00 11 августа 2012 г.
Усă курман çĕрсене пусă çаврăнăшне кĕртесси мĕнле пынине район администрацийĕ тăтăшах контроллесе тăрать.
Питĕшкасси ял тăрăхĕн территорийĕнче ахаль выртакан çĕрсем 647 гектар таранах йышăнаççĕ. Хальхи вăхăтра кунта Раççей Ял хуçалăх центрĕн Чăваш Республикинчи уйрăмĕн икĕ тракторĕ ĕçлеççĕ.
Район администрацийĕн пуçлăхĕ Александр Куликов тата РФ Ял хуçалăх центрĕн Чăваш Республикинчи уйрăмĕн ертÿçи Николай Якимов асăннă ял тăрăхĕн уйĕсенче пулнă, кунти ĕç-хĕлпе паллашнă. Механизаторсем икĕ сменăпа ĕçлеççĕ. Сухаласа çемçетнĕ лаптăксене кĕрхи тĕш тырă культурисене акаççĕ.
Ял хуçалăх пĕлтерĕшлĕ çĕрсене ĕçе кĕртнĕ çĕрти тăкаксене чакарас тĕллевпе вырăнти бюджета 1 миллион тенкĕ хывса хăварнă.