00:00 11 августа 2012 г.
Чăваш Республикинчи суд приставĕсен службин Федераци управленийĕнче 2012 çулхи пĕрремĕш çур çулхи ĕç кăтартăвĕсене пĕтĕмлетсе «Чи лайăх структура подразделенийĕ» конкурс ирттернĕ. Унта хутшăнакансен ĕç-хĕлне суд приставĕсен федераци службин ятарлă хушăвĕнче палăртнă. 13 енлĕ кăтартăвĕсене пăхса хак панă.
«Чи лайăх структура подразделенийĕ», «Суд приставĕсен чи лайăх уйрăмĕ» конкурсра Элĕк районĕнчи суд приставĕсен уйрăмĕ пĕрремĕш вырăна тухнă. Вĕсен ĕç-хĕлне пур енĕпе те лайăх хак панă. Олег Геннадьевич Ильин ертсе пыракан уйрăма диплом парса чысланă. Элĕкри тытăмра пурĕ 13 çын тăрăшать. Коллектив çамрăк.