00:00 15 августа 2012 г.
Кăçалхи çичĕ уйăхра Элĕкри ĕçпе тивĕçтерекен центра 487 çын пулăшу ыйтса килнĕ. Вĕсенчен 235-шĕ хĕрарăмсем пулсан, 223-шĕ – 16-29 çулсенчи çамрăксем.
13 инвалидпа тĕрлĕ вĕренÿ учрежденийĕсене пĕтернĕ 8 çын хăйсене ĕçпе тивĕçтерме ыйтнă. 2012 çулхи çурла уйăхĕн пĕрремĕшĕ тĕлне ĕçпе тивĕçтерекен центрта 41 çын учетра тăрать. Кăрлач-утă уйăхĕсенче центр урлă 451 çынна ĕç вырăнĕ тупса панă. Çавăн пекех обществăлла ĕçсене тума 18 килĕшÿ тунă. Пĕтĕмпе кун пек ĕçе 69 çынна явăçтарнă. Çула çитмен çамрăка ĕçе явăçтарма 16 килĕшÿ хатĕрленĕ, 222 ачана вăхăтлăх ĕçпе тивĕçтернĕ.
Иртнĕ çичĕ уйăхра ĕçсĕр пĕр çын хăйĕн ĕçне йĕркелесе янă.
А.ПЕТРОВА,
Элĕкри ĕçпе тивĕçтерекен центр директорĕ.