00:00 22 августа 2012 г.
Юнтапа ял тăрăхĕнче пурăнакансем, чечексемпе кăсăкланакансем, хăйсен кил таврашĕнче чăн-чăн асамлăх тĕнчи йĕркелеççĕ. Пÿрте кĕмелли вырăна тĕрлĕ-тĕрлĕ чечекпе илемлетеççĕ. Кану вырăнĕсенче, палисадниксенче чечексен композицийĕсем тăваççĕ. Çаксем пĕтĕмпех кил хуçин пахалăхне палăртаççĕ. Кашни çемье управçиех чечексен тĕнчине хăйĕн кăмăлне кайнă пек йĕркелет, иртен-çÿрене ăсталăхĕпе тĕлĕнтерет. Юнтапари информаципе культура центрĕн ĕçченĕсем хушшинче кил-çурта чечексемпе мĕнле илемлетнине палăртмалли конкурс йĕркелерĕç. Л.Иванован, З.Константинован, Р.Степанован палисадникĕсенче чăн-чăн илем хуçаланать. Пĕр вĕçĕм çеçкере ларакан чечекĕсем таврана ырă шăршă сарнипе пĕрлех чуна та савăнтараççĕ.
З.СТЕПАНОВА.