00:00 25 августа 2012 г.
Кашни çын пурнăçĕнче пĕр-пĕр кун яланлăхах асра юлать. Вĕсенчен чи пĕлтерĕшли, ахăртнех, паспорт илни пулса тăрать. Раççей Федерацийĕн Патшалăх ялавĕн кунĕнче район администрацийĕнче 14 çул тултарнă яшсемпе хĕрсене савăнăçлă лару-тăрура çĕршывăн тĕп документне панă. Паспортлă пулса тăнисем – Анастасия Афанасьевăпа Анна Иванова, Николай Николаев, Максим Михайлов тата Александр Григорьев. Паллă кун ячĕпе вĕсене РФ миграци службин Элĕкри территори подразделенийĕн ертÿçи Александр Васильев, район администрацийĕн ĕçсен управляющийĕн тивĕçĕсене пурнăçлакан Сергей Алексеев тата ыттисем саламланă.
Çапла вара уяв кунĕнче пирĕн çĕршыв çĕнĕ ăрăва хăйĕн йышне илнĕ.