00:00 25 августа 2012 г.
Тĕп хулари ÿнер музейĕнче халĕ С.Вороновăн куравĕпе паллашма пулать. Пейзаж, натюрморт жанрĕпе пĕрлех ĕçсенче хĕрарăм сăнарĕ те сахал мар.
Станислав Воронов пирĕн ентеш. Вăл 1957 çулта Элĕк районĕнчи Тури Хурасан ялĕнче çуралнă. Хусан университечĕн юридици факультетĕнче вĕреннĕ. ЧР прокуратурин следстви пайĕнче ĕçленĕ. ЧР хăрушсăрлăх министерствинче вăй хунă. РФ ФСК следстви управленийĕн пĕрремĕш çумĕ пулнă. Беларуç Республикинче Раççей посольствин пĕрремĕш секретарĕнче ĕçленĕ. РФ ФСК генерал-лейтенанчĕ. Тăван çĕр-шыв культурине аталантарас ĕçе тÿпе хывнăшăн Раççей художникĕсен союзĕн кĕмĕл тата бронза медалĕсене тивĕçнĕ.
С.Воронов пушă вăхăтра алла сăрă тата киçтĕк ярса илет, ÿкерчĕксем тăвать.