00:00 25 августа 2012 г.
Шкул ачисен çуллахи кану кунĕсем вĕçленсе пыраççĕ ĕнтĕ. Хăшĕсем çак вăхăта компьютер умĕнче ларса, шыва кĕрсе, ÿт-пĕве хĕретсе ирттерчĕç пулсан, чылайăшĕ хăйсем пултарнă таран ĕçлесе укçаллă та пулчĕç.
Акă Питĕшкасси шкулĕнчи 8-мĕш класра вĕренекен Артур Михайлов виççĕмĕш çул эмел курăкĕсем пухать. Пĕлтĕр вăл ку енĕпе Пĕтĕм Раççейри конкурсра та çĕнтернĕ. Элĕкри «Коопзаготпром» общество ертÿçи Руслан Медведев шкул ачипе питех те кăмăллă.
– Артур пек ĕçчен те маттур ачасем татах та татах пулттăрччĕ, – тет вăл. – Сăмах май, пирĕн патра халĕ вунă ачана яхăн ĕçлет. Эпир вĕсемпе тÿрех тÿлесе татăлатпăр, шалăва чарса-тăсса пыман. Шкул ачисем япăх мар ĕçлесе илеççĕ.