00:00 01 сентября 2012 г.
Район администрацийĕнче ялта ĕçлесе пурăнакансен пĕр ушкăнне çурт-йĕр лартма социаллă тÿлев свидетельствисене савăнăçлă лару-тăрура валеçсе панă.
Кун пек телейлĕ хутсене «Агрофирма «Рабия» тулли мар яваплă общество тракторисчĕ Федор Захаров, «Алмаз» тулли мар яваплă обществăн тĕп инженерĕ Николай Денисов, районти тĕп больницăн медицина сестри Ирина Семенова тивĕçнĕ. Виççĕшĕ те вĕсем федерацин «Яла 2013 çулччен аталантарасси» тĕллевлĕ программăна хутшăннă. Çак свидетельствăсене алла тыттарнă май, район администрацийĕн пуçлăхĕ А.Куликов кунашкал социаллă тÿлевсем ялта ĕçлесе пурăнма кăмăл тунă çемьесене пысăк пулăшу панине палăртнă.
Кăçал асăннă программăпа килĕшÿллĕн 5 çамрăк специалиста 4276,2 пин тенкĕ тата 6 çынна 2429,18 пин тенкĕ укçа уйăрса панă.