00:00 05 сентября 2012 г.
Çут тĕнчене килнĕ шăпăрлансене ашшĕпе амăшĕн тимлĕхĕпе ăшпиллĕхĕ яланах кирлĕ. Анчах пурнăçра урăхла та пулса тухать. Акă Лизăпа Виктор тăван кил ăшшисĕр тăрса юлнă. Хăйсен тĕп тивĕçне пурнăçламаншăн упăшкипе арăмне иккĕшне те ашшĕ-амăшĕн прависенчен хăтарнă. Малтанах Лизăпа Виктора ача çуртне вырнаçтарнă. Унтан вĕсене Филимоновсем хăйсем патне йышăннă. Çакăнта тупнă та ĕнтĕ пĕчĕкскерсем чăн-чăн кил ăшшине.
Элĕкре пурăнакан Дашăпа та çаплах пулса тухнă. Халĕ вăл 3-мĕш класра ăнăçлă вĕренет, хăйне йышăннă çемьере лайăх пурăнать.
Анчахрах çак çемьесене опекăпа попечительство органĕн специалисчĕсем çитсе курнă. Тĕрĕслев çакна кăтартнă: ачасем хăтлă та йĕркеллĕ çемьесенче пурăнаççĕ, мĕн кирли веçех пур.