00:00 05 сентября 2012 г.
Районти «Пурнăç çулĕпе» хаçатăн йăлана кĕнĕ çăмăл атлетсен эстафетине хальхинче Совет Союзĕн Геройĕ М.Ефимов ентеш ячĕпе йĕркелеççĕ. Вăл сентябрь уйăхĕн 8-мĕшĕнче Элĕкри «Хĕлхем» стадионта иртет.
Командăсене 8 сехет те 30 минутра регистрацилеме тытăнаççĕ. Ăмăртусем 9 сехет те 30 минутра пуçланаççĕ.
Эстафетăна чи малтан пĕтĕмĕшле пĕлÿ тата вăтам пĕлÿ паракан шкулсенче 5-9 классенче вĕренекенсем тухаççĕ. Ушкăнра 3 арçын ачапа 3 хĕрача пулать, вĕсем 400 метрлă дистанцие чупса тухаççĕ. 10-11 классенчи хĕрсемпе яшсем те çак дистанцирех ăмăртаççĕ, ку ушкăнри командăсенче те 6-шар спортсмен.
Предприятисемпе организацисен тата учрежденисен командисенче 3 арçынпа 2 хĕрарăм пулаççĕ. Ял тăрăхĕсен командинче те çавăн чухлех йыш пулĕ. Кашни команда 400 метра чупса ăмăртать.
Эстафета çĕнтерÿçисемпе призерĕсене парнесемпе чыслаççĕ.
Йĕркелÿ ушкăнĕ.