00:00 08 сентября 2012 г.
Сентябрĕн 5-мĕшĕнчен пуçласа 9-мĕшĕччен Иваново облаçĕнчи Вичуга хулинче «Провинцири театр тĕл пулăвĕсем» ятпа Пĕтĕм Раççейри ялсенчи театр коллективĕсен виççĕмĕш фестивалĕ иртет. Вичугăри «Машиностроитель» культура çуртĕнче тата культура центрĕнче Раççейĕн тĕрлĕ кĕтесĕсенчен килсе çитнĕ хăй тĕллĕн вĕреннĕ артистсем фестиваль программине кĕнĕ 16 спектакль кăтартĕç.
Чăваш Республикинчен Иваново облаçне Элĕкри культурăпа кану центрĕ çумĕнчи халăх театрĕ кайма тивĕçнĕ. Элĕксем куракансемпе жюри умне Н.Айзман çырнă «Кай, кай Ивана» камите кăларĕç.
Элĕкри халăх театрĕ 44 çул куракана çĕнĕ спектакльсемпе савăнтарать. Хальхи вăхăтра халăх театрĕнче 50 çынна яхăн вылять.
Л.СЕМЕНОВА.