00:00 12 сентября 2012 г.
Юнтапа шкулĕнчи пуçламăш классенче кашни урок яланах хăйне евĕрлĕ те кăсăклă иртет. Ирина Николаева вĕрентекен вĕренекенĕсене ырă кăмăл, юрату, шÿтпе кулăш парнелет.
Ирина педагогика ĕçне 1989 çулта пуçăннă. Вăтам шкултан вĕренсе тухнă та Вырăс Сурăмĕнчи ача садĕнче воспитательте ĕçлеме тытăннă. Çакăнта икĕ çул тăрăшнă хыççăн Юнтапа шкулĕнче вожатăй пулса тăрать.
1991 çулта Ирина Рудольфовна Шупашкарти педагогика институтне куçăмсăр йĕркепе вĕренме кĕрет. Çав çулах ăна пуçламăш классенчи ачасене вĕрентме шанаççĕ. 1996 çулта пединститутран ăнăçлă вĕренсе тухса педагог дипломне илет. Çавăнтанпах Юнтапари вăтам шкулта пуçламăш классенчи ачасене пĕлÿ парать.
З.СТЕПАНОВА.