00:00 15 сентября 2012 г.
Район çыннисем «Ял хуçалăхне аталантарасси» наци проекчĕпе усă курса, килти хушма хуçалăха аталантарма çăмăллăхлă кредит илессипе ĕçлеççĕ. Сентябрĕн 1-мĕшĕ тĕлне илсен, 431 кредит 72 миллион та 733 пин тенкĕлĕх илнĕ. Наци проекчĕ ĕçе кĕнĕренпе 3190 кредит 491 миллион та 14 пин тенкĕлĕх илни паллă.
Кăçал РФ Перекет банкĕ урлă 296 кредит 47 миллион та 30 пин тенкĕлĕх, РФ Ял хуçалăх банкĕ урлă 134 кредит 25 миллион та 683 пин тенкĕлĕх илнĕ.
Ку енĕпе Элĕк ял тăрăхĕ (90 кредит), Чăваш Сурăм ял тăрăхĕ (45), Тавăт ял тăрăхĕ (41), Шĕмшеш ял тăрăхĕ (41 кредит) уйрăмах активлă. Кивçен илнĕ укçапа выльăх-чĕрлĕх çурчĕсене тума, çĕнетсе улăштарма, пĕчĕк калăпăшлă техника, выльăх туянма усă кураççĕ.
С.ИЛЬИНА.