00:00 15 сентября 2012 г.
Чăвашсен мухтавлă ывăлĕ – Совет Союзĕн икĕ хут Геройĕ, авиацин генерал-майорĕ, техника ăслăлăхĕсен кандидачĕ, А.Николаев çуралнăранпа 83 çул çитнине халалласа Юнтапари культурăпа кану центрĕнче паттăрлăх урокĕ иртнĕ. Унта хутшăннисем библиотекарь пулăшнипе космонавтăн ачалăхĕпе çамрăклăхĕ патне таврăннă, вĕренÿ çулĕсене, космос вĕçевне аса илнĕ. Ачасене Андриян Григорьевичăн наградисем пирки каласа панă.
Библиотекăра «Çăлтăрсем патне выртакан çул» ятпа кĕнеке куравĕ йĕркеленĕ. Кунта Андриян Николаевăн кĕнекисем те вырăн тупнă. «Космосра Николаевпа Попович» кĕнекере нумай информаци тупма пулать.
Библиотекăна пынисем космонавтăн ĕçĕ-хĕлĕпе тĕплĕн паллашнă.