00:00 22 сентября 2012 г.
Çак кунсенче район администрацийĕн ЗАГС пайĕнче Галинăпа Сергей Ильинсене чысларĕç. Вĕсен 2012 çулхи сентябрĕн 4-мĕшĕнче тăваттăмĕш ача – Александр çуралнă. Пĕрремĕшĕ – Надежда, 1994 çулта çут тĕнчене килнĕ. Халĕ вăл Шупашкарти медицина колледжĕн студентки. Иккĕмĕш хĕрĕ Элĕк шкулĕнче 11-мĕш класра вĕренет. Пĕрремĕш ывăлĕ Дмитрий вунă çулта ĕнтĕ. Вăл Йăлкăш шкулĕнче виççĕмĕш класра пĕлÿ пухать. Ильинсен ачисем ашшĕ-амăшне ялан пулăшаççĕ.
ЗАГС пайĕн ĕçченĕсем мăшăрсене ача çурални çинчен калакан свидетельство пачĕç. Сергей Ильин хальхи вăхăтра Мускав тăрăхне ĕçлеме çÿрет, Галина мăшăрĕ Йăлкăш шкулĕнче ачасене вĕрентет.
К.ПЕРОВ.