00:00 17 октября 2012 г.
Юпа уйăхĕн 14-мĕшĕнче районта вырăнти хăйтытăмлăх органĕсен суйлавĕ иртнĕ. Пĕрлĕхлĕ сасăлав кунĕнче Тавăт ял тăрăхĕн пуçлăхне суйланă. Пĕтĕмлетнĕ кăтартусем тăрăх суйлавçăсен списокне 1674 суйлавçăна кĕртнĕ. Сасăлава 1020 çын хутшăннă. Ку вăл мĕнпур суйлавçăсен 60,93 проценчĕ.
Малтанхи кăтартусем тăрăх суйлавçăсем çакăн пек сасăланă: Анатолий Николаевич Васильевшăн – 44,31 процент, Владимир Сергеевич Дмитриевшăн – 11,27 процент, Сергей Владимирович Петуховшăн – 4,02 процент, Николай Егорович Скворцовшăн – 36,18 процент, Владимир Юрьевич Удяковшăн – 1,86 процент.