00:00 20 октября 2012 г.
Вĕренÿ учрежденийĕсенче «Йывăç лартрăн – ăна упра» акци ирттересси ырă йăла пулса тăчĕ. Акă кăçал та авăн уйăхĕн 25-мĕшĕнчен тытăнса юпа уйăхĕн 10-мĕшĕччен мĕн-пур вĕренÿ учрежденийĕсенче çакăн пек акци иртрĕ. Вăл 3 енпе пулчĕ: шкулсенче вăрман питомникĕсене йĕркелесси тата вĕсене тытса тăрасси, йывăçсемпе тĕмĕсем лартасси, «Эпĕ йывăç лартăм» сочиненисен конкурсĕ.
Акцие Вутлан, Питĕшкасси, Тавăт, Йăлкăш, Чăваш Сурăм, Юнтапа, Шĕмшеш шкулĕсенче вĕренекенсем хастар хутшăннă. Шкул ачисем 3173 йывăçпа тĕмĕ лартнă.
Вутлан шкулĕнчи 7 класра вĕренекен Марина Яковлеван сочиненине чи лайăх ĕç тесе палăртнă. Питĕшкасси шкулĕнче вĕренекенсем пуринчен нумайрах йывăçпа тĕмĕ лартнă.