00:00 20 октября 2012 г.
Почтальон ĕçĕ нихăçан та çăмăллисен шутне кĕмен. Çумăр çăвать-и, хĕвел пăхать-и – ялан çул çинче вăл. Мĕншĕн тесен унăн пичет кăларăмĕсене вулакан патне вăхăтра çитермелле.
Ку профессине юратакансем пурри чунран савăнтарать. Акă Ехремкасси çыхăну уйрăмĕн начальникĕ Зоя Николаевна Семенова ку должноçре 1999 çултанпа ĕçлет. Çавăн пекех вăл Качалавпа Юманлăх ялĕсенче пурăнакансене хаçат-журналпа тивĕçтерет. З.Семенова кăмăлĕпе ырă, йывăр самантра çынна пулăшма ялан хатĕр. Хастар та пултаруллă хĕрарăм ял-йышра ырă ята тивĕçнĕ.
А.АНДРЕЕВА.