Новости » Культура ĕçченĕсем – Чăваш Сурăмĕнче

00:00 24 октября 2012 г.

Районти культура учрежденийĕсен ĕçченĕсем черетлĕ семинара вырăна тухса – Чăваш Сурăмĕнчи информаципе культура центрĕнче ирттерчĕç. Занятире малтанах район администрацийĕн социаллă аталану, культура тата архив ĕçĕн секторĕн ертсе пыракан специалисчĕ Л.Никифорова сăмах илчĕ. Вăл социаллă ыйтусемпе пĕр-пĕринпе килĕштерсе ĕçлес тесен культура учрежденийĕсен, вулавăшсен тата пĕтĕм тытăмăн пахалăхне лайăхлатмаллине палăртрĕ. Чăваш Сурăмĕнчи халăх краеведени музейĕн директорĕ Н.Ильин пухăннисене музей ĕçĕ-хĕлĕпе тĕплĕн паллаштарчĕ. Вырăнти информаципе культура центрĕн ертÿçи А.Ильина центр ĕçĕсем çинчен каласа пачĕ. Семинар кăтарту мероприятийĕпе – культура учрежденийĕсенчи ача-пăча хор кружокĕн рекламипе вĕçленчĕ.

Л.СЕМЕНОВА.