00:00 24 октября 2012 г.
Çĕнкас Юнтапа ялĕнче пурăнакансем Юнтапа ял тăрăхĕ йĕркелекен пур общество мероприятийĕсене те хастар хутшăнаççĕ. Вĕсем юрлама-ташлама та, футболла, волейболла выляма та юратаççĕ. Кунсăр пуçне çĕнкассем, уйрăмах çамрăк çынсем, хăйсен ялĕнче яланах таса та тирпейлĕ пултăр тесе тăрăшаççĕ. Çак тĕллевпе вĕсем тăтăшах экологи субботникĕсем ирттереççĕ, çÿп-çапа пуçтарса турттарса тухаççĕ. Анчахрах Георгий Никоноров, Григорий Мешков, Эмма Ефимова ертсе пынипе çамрăксем тăван ялăн тĕп урамне тирпей-илем кĕртме шутларĕç. Вĕсем урамри çула та вак кирпĕчпе хытарчĕç.
В.НИКИФОРОВ.