00:00 09 ноября 2012 г.
Юнтапари вăтам шкул, ку ялти тата Вырăс Сурăмĕнчи вулавăшсем хамăрăн паллă ентешĕмĕре Илья Тукташ поэт-çыравçăна халалласа конкурс ирттернĕ. Малтанах кĕскен унăн биографийĕпе паллаштарнă. Конкурса Юнтапа шкулĕнчи 5,6,8 классенче вĕренекенсем хутшăннă. Кунта И. Тукташ, Василий Давыдов-Анатри, К.Иванов хайлавĕсем янăранă, çавăн пекех ачасем те хăйсем хайланă сăвăсене вуланă. Акă, 5 класри Сергей Ильин хăйĕн «Шăллăм» сăввине каласа панă, 6 класри Людмила Макарова вара хăйĕн йăмăкне халалласа çырнă. Жюри С.Ильин, А.Ефремов, Л.Капитонова, Н.Никандрова, Е.Романова пултарулăхне пысăка хурса хакланă. Ачасен конкурсне хатĕрленсе ирттерме чăваш чĕлхипе литературине вĕрентекен В.Нестерова сахал мар тăрăшнă.