Новости » Семинарта – культура ыйтăвĕсем

00:00 21 ноября 2012 г.

Элĕкри культурăпа кану центрĕнче иртнĕ культура учрежденийĕсен ертÿçисемпе специалисчĕсен тата библиотекарьсен черетлĕ семинарĕнче наци пуянлăхне упраса малалла тăсас ыйтусене сÿтсе явнă. Семинарта сăмах илсе, райадминистрацин социаллă аталану, культура тата архив ĕçĕсен секторĕн ертÿçи Людмила Семенова районта иртнĕ ачасемпе çамрăксен театр ушкăнĕсен «Мельпомена тĕлĕнтермĕшĕ» фестиваль-конкурсăн çĕнтерÿçисене дипломсем панă. Райадминистрацин социаллă аталану, культура тата архив ĕçĕсен секторĕн специалист-эксперчĕ Лилия Никифорова культура учрежденийĕсен çитĕнекен ăрăва халăх традицийĕсене вĕрентсе воспитани парас ĕçри пĕлтерĕшĕ çинче чарăнса тăнă. Семинара килнисене район 85 çул тултарнă ятпа ÿкернĕ «Пурăн, аталан, тăван ен!» документлă фильм кăтартнă.