00:00 01 декабря 2012 г.
Чÿк уйăхĕн çирĕм çиччĕмĕшĕнче «Хĕлхем» физкультурăпа спорт комплексĕнче Пĕтĕм тĕнчери инвалидсен кунне халалласа спорт мероприятийĕсем иртрĕç.
Сĕтелçи теннисĕнче аслисен ушкăнĕнче Чăваш Сурăмĕнчи Надежда Семеновăна çитекенни пулман. Ачасенчен Ехремкасси ял тăрăхĕнчи Иван Федоров палăрнă. Дартспа чи нумай очко аслисенчен Василий Куртовский (Шĕмшеш ял тăрăхĕ), ачасенчен – Григорий Макаров (Ехремкасси ял тăрăхĕ) пухнă.
Шашка вăййинче Виталий Гладков (Тавăт ял тăрăхĕ), ачасенчен – Григорий Макаров (Ехремкасси ял тăрăхĕ) мала тухнă.
Çĕнтерÿçĕсене дипломсемпе хаклă парнесем панă.
Спорт ăмăртăвĕсене килнисене район администрацийĕн пуçлăхĕн пĕрремĕш çумĕ Л.Никитина, Пĕтĕм Раççейри инвалидсен обществин Чăваш Республикинчи организацийĕн председателĕ М.Кузьминых, районти инвалидсен обществин ертÿçи Г.Деомидов саламланă.