00:00 05 декабря 2012 г.
Çамрăк педагогсен ассоциацийĕ – вĕрентекен профессине юратакансен пĕрлешĕвĕ. Ăна 2010 çултах туса хунă. Çак кунсенче Элĕкри вăтам шкулта унăн членĕсен черетлĕ пухăвĕ пулнă. Унта 13 çамрăк педагог хутшăннă. Пухăннисем çамрăк педагогсен ассоциацийĕн председательне çĕнĕрен суйлас, «Республикăри чи лайăх çамрăксен канашĕ» конкурса, ĕçлекен çамрăксен районти спартакиадине хутшăнас ыйтусене пăхса тухнă.
Сасăланин кăтартăвĕсемпе килĕшÿллĕн çамрăк педагогсен ассоциацийĕн председателĕ – Питĕшкассинчи вăтам шкул директорĕн воспитани енĕпе ĕçлекен çумĕ Юрий Игоревич Сергеев. Председатель çумĕ Тавăтри вăтам шкулти акăлчан чĕлхине вĕрентекен Марина Владимировна Ефремова, секретарĕ Элĕкри вăтам шкулти акăлчан чĕлхине вĕрентекен Таисия Валерьевна Архипова пулса тăнă.
Çамрăк педагогсем республикăри конкурса хутшăнассипе хăйсен тивĕçĕсене палăртнă.
В.СЕМЕНОВА.