00:00 05 декабря 2012 г.
Пĕчĕк пепке çут тĕнчене килни çемьешĕн пысăк савăнăç. Кăçалхи 11 уйăхра Чăваш Сурăм ял тăрăхĕнче 16 ача çуралнă. Аистсем ытларах Мăн Шĕвĕш ялĕнче пурăнакансем патне вĕçсе килнĕ. Сергейпа Венера Димитриевсен пĕрремĕш пепки, хĕрача, кун çути курнă. Иванпа Алина Григорьевсен те йыш хушăннă. Тăваттăмĕш ача çуралнă. Хĕр пĕрчи «туяннă». Константинпа Наталья Мироновсем пĕчĕк пăхаттир илсе килнĕ. Димитрийпа Роза Петровсем те ашшĕ-амăшĕ пулса тăнă, хĕр ачана кун çути парнеленĕ. Сăмах май каласан, кăçал «аист» нумаях пулмасть пĕрлешнĕ çемьесене ытларах вĕçсе килнĕ. Çуралнă пепкесенчен чылайăшĕ хĕрачасем.
О. ЕМЕЛЬЯНОВА,
Чăваш Сурăм ял тăрăхĕн специалисчĕ.