00:00 08 декабря 2012 г.
«Çамрăксем сывă пурнăç йĕркишĕн» акцин кĕрхи тапхăрĕ вĕçленнĕ май Элĕкри «Хĕлхем» физкультурăпа спорт комплексне пултаруллă та хастар хĕрсемпе каччăсем йышлăн пухăнчĕç. Вĕсем сĕтел çинче теннисла, дартсла, волейболла вылярĕç, вĕрен туртса вăй виçрĕç, эстафетăра чупрĕç. Хаваслă вăйăсене районти тĕп больницăн, ветеринари службин, çамрăк педагогсен пĕрлешĕвĕн (ассоциацийĕн), Элĕк, Тавăт, Йăлкăш, Питĕшкасси ял тăрăхĕсен командисем хутшăнчĕç. Вăйăсем питĕ илĕртÿллĕ, курăмлă иртрĕç, кашниех пĕрлехи çĕнтерĕве хăйĕн тÿпине хывма тăрăшрĕ. Йăлкăш ял тăрăхĕн команди – пьедестал çинче пĕрремĕш. Иккĕмĕшпе виççĕмĕш вырăнсене Тавăт тата Элĕк ял тăрăхĕсен командисем йышăнчĕç.