00:00 12 декабря 2012 г.
Нумаях пулмасть «Чăваш Республикинчи чи лайăх культурăпа кану учрежденийĕ» сумлă ята Элĕкри культура учрежденине (директорĕ Л.Андреева) панă.
Кăçал кунти культура ĕçченĕсем тăрăшулăх кăтартнине палăртмалла. «Валинкке» фольклор ушкăнĕ Комире иртнĕ пĕтĕм тĕнчери конкурсран çĕнтерÿпе таврăннă. Халăх театрĕ Иваново облаçĕнчи Вичуга хулинче иртнĕ ялти театр коллективĕсен пĕтĕм Раççейри «Театрсен провинцири тĕл пулăвĕ» 3-мĕш фестивале хутшăннă, гран-при илме тивĕçнĕ. Иваново облаçĕн кĕпернаторĕ ятарласа уйăрнă парнепе тата дипломпа хисеп тунă.
Çитес çул Элĕкри культура çурчĕ уçăлнăранпа 80 çул çитет.
К.ПЕТРОВ.