00:00 12 декабря 2012 г.
Чÿк уйăхĕнче Юнтапа тăрăхĕнчен виçĕ яша çар ретне тăма ăсатрăмăр. Кивкас-Юнтапари Николай Безруков аслă пĕлÿ илме ĕлкĕрнĕччĕ. Технолог специальнăçне вĕреннĕскер Вăрнарти аш-какай комбинатĕнче пĕр вăхăт ĕçлерĕ. Салтак ячĕ тухсан турткалашмасăрах медицина тĕрĕслевĕ витĕр тухрĕ, хĕсмете ăсанчĕ. Чулкаçри Сергей Задорожный кăçал çеç шкул пĕтернине çирĕплетекен аттестата алла илчĕ. Пурнăçăн анлă çулĕ çине тухиччен çар ретне тăма кăмăл турĕ. Асăннă ялти Василий Васильев вара Вăрнарти училищĕре ăс пухрĕ. Халĕ вăл та салтаксен йышĕнче.
Иртнĕ кунсенче Юнтапа ялĕнчи Антон Антонов çар службинчен киле таврăнчĕ.
Г.МИРОНОВА,
Юнтапа ял тăрăхĕн специалисчĕ.