00:00 12 декабря 2012 г.
Шахмат вăййи шухăшлава ÿстерме пулăшать, ăс-тăн çине пысăк витĕм кÿрет. Чăваш Сурăмĕнчи вăтам шкулта вĕренекенсем ку вăййа хаваспах хутшăнаççĕ. Кунта шахмат кружокĕ виçĕ çул ĕçлет. Ăна З.П.Федоров пуçарса янă. Халĕ кружока К.В.Громов вĕрентекен ертсе пырать. Шкулти шахмăт турнирĕнче çеç палăрмаççĕ, спартакиадăсенче те çĕнтерÿçĕсен йышне лекеççĕ вĕренекенсем. Аслă классенчен Арина Андреева, Димитрий Орлов, Анатолий Ильин, Анатолий Орлов ăста выляççĕ. Вăтам классенче вĕренекен Павел Арсентьевпа Елена Бушуева, Олеся Никонорова та çивĕчлĕхĕпе палăраççĕ.
Максим Данилов, Милаш Николаев, Катя Сергеева кĕçĕннисен ушкăнĕнче ăсталăхĕпе аслисенчен юлмаççĕ.
С.НИКОЛАЕВА,
директор çумĕ.