00:00 22 декабря 2012 г.
Районти культурăпа кану центрĕнче культура ĕçченĕсен черетлĕ семинарĕ иртнĕ. Унта культурăпа кану ĕçне 2013 çулта йĕркелес, учетпа отчет ыйтăвĕсене сÿтсе явнă. Çулталăкри отчет докуменчĕсене хатĕрлес, культурăпа массăллă мероприятисене ирттерес ыйтусем çинче райадминистрацин социаллă аталану, культура тата архив ĕçĕсен секторĕн специалист-эксперчĕ Лилия Никифоровăпа культурăпа кану центрĕн методисчĕ Любовь Константинова тĕплĕн чарăнса тăнă. Çавăн пекех çулталăкри текст отчечĕсене хатĕрлемелли требованисене, тавралăха сыхламалли çулталăкра туса ирттермелли ĕçсене пăхса тухнă. Семинарта пулнисемпе практика занятийĕ ирттернĕ, вăл«Салам, Çĕнĕ 2013 çул» мероприятипе вĕçленнĕ.