Новости » Футбол вăййи хĕлле те илĕртет

00:00 22 декабря 2012 г.

Вĕренÿ тытăмĕнче ĕçлекенсем хушшинче «Хĕлхем» физкультурăпа спорт комплексĕнче футболла выляссипе ăмăрту иртрĕ. Мала тухассишĕн пурĕ 6 команда тупăшрĕ. Ушкăнпа иртекен вăйăсем раштавăн 10-мĕшĕнче пуçланчĕç те çав уйăхăн 12-мĕшĕччен тăсăлчĕç. Финалти вăйăсем икĕ ушкăна пайланса иртрĕç. Пĕрремĕш тата виççĕмĕш вырăншăн уйрăмах хĕрÿ тупăшрĕç. Çĕнтерÿçĕ юлашки çеккунтра çеç палăрчĕ. «Хĕлхемри» ача-пăча тата çамрăксен спорт шкулĕн ушкăнĕ Тавăт шкулĕн командине 2:1 шутпа çĕнтерчĕ.

Пĕрремĕш вырăна вара Питĕшкасси шкулĕ çĕнсе илчĕ. Кунти команда финалта Шĕмшеш шкулĕпе тĕл пулчĕ. Вĕсенчен 6:5 шутпа выляса илчĕ.

А.ТУВАНСКАЯ.