00:00 19 января 2013 г.
Чăваш Сурăмĕнчи информаципе кану çурчĕ çумĕнчи «Комбинаци» шахмат клубĕн членĕсем нумаях пулмасть Сурхури турнирне ирттерчĕç. Унта иккĕмĕшпе виççĕмĕш разряд шайĕнче вылякан шахматçăсем тупăшрĕç.
Турнира хутшăннă çичĕ шахматçăран хĕрÿ кĕрешÿре виççĕмĕш вырăна педагогика ĕçĕн ветеранĕ П.Ефимов, иккĕмĕш вырăна Чăваш Сурăмĕнчи вăтам шкулти физкультура учителĕ К.Громов, пĕрремĕш вырăна Сергей Соловьев (Чăваш Сурăм ялĕ) çĕнсе илчĕç.
Малти вырăнсене мала тухнă шахматçăсене Чăваш Сурăмĕнчи информаципе кану центрĕн директорĕ А.Ильина саламларĕ. Дипломсемпе тата Çĕнĕ çул сувенирĕсем парса чыс турĕ.
П.Ефимов,
«Комбинаци» шахмат клубĕн ертÿçи.