Новости » Çамрăксен правительстви ĕçлет

00:00 02 февраля 2013 г.

Муниципалитетăн «Элĕк районĕн çамрăкĕсем» 2011-2020 çулсем валли палăртнă программăна пурнăçлас тата çамрăк граждансене районăн социаллă пурнăçĕпе экономикине аталантарма туллинрех хутшăнтарас тĕллевпе район администрацийĕ çумĕнче Çамрăксен правительствине йĕркеленĕ. Унăн йышĕнче – 18-35 çулсенчи 17 яшпа хĕр. Райадминистрацин актсен залĕнче Çамрăксен правительствин ларăвĕ иртнĕ. Унта правительство председателĕ пулма строительство тата общество инфраструктура аталану пайĕн ертсе пыракан специалист-экспертне Сергей Архипова, унăн çумне – йĕркелÿ, тĕрĕслевпе кадр секторĕн ертсе пыракан специалист-экспертне Екатерина Николаевана суйланă. Ларура Çамрăксен правительствин 2013 çулхи ĕçсен планне, çамрăк арçынсен командисем хушшинче куçса çÿрекен кубокшăн волейбол ăмăртăвĕсем тата КВН ирттерес ыйтусене сÿтсе явнă.

В.ГЕННАДЬЕВ.