00:00 06 февраля 2013 г.
Талантлă çамрăксене пултарулăх ĕçне ытларах та ытларах хутшăнтарас тĕллевпе районта «Çамрăк техник» техника пултарулăхĕн куравне йĕркеленĕ. Ăна Çĕршыв хÿтĕлевçисен кунне халалланă. Куравра ĕçлекен 20 ытла экспонат кăтартнă: тинĕс карапĕсен, çар тата космос техникин моделĕсем.
Курава Элĕк, Юнтапа, Мăн Вылă, Тени шкулĕсенче вĕренекенсем хастар хутшăннă. Эксперт комиссийĕн членĕсем чи лайăх ĕçсене палăртнă. Малти вырăнсене пурне те Элĕк шкулĕнче вĕренекенсем çĕнсе илнĕ: 8 «в» класри Андрей Тихонов çĕнтерÿçĕ пулса тăнă, иккĕмĕшпе виççĕмĕш вырăнсенче – Дмитрий Афанасьевпа Евгений Гордеев. Юнтапа шкулĕнчи Афанасий Афанасьевăн, Сергей Ильинăн, Денис Илларионовăн «Сталинград патĕнче» пĕрлехи ĕçне те чи лайăххи тесе палăртнă.