Новости » Çĕнĕ ертÿçĕ суйланă

00:00 13 февраля 2013 г.

Нумаях пулмасть «Раççейри пенсионерсен союзĕн» районти уйрăмĕн отчетпа суйлав пухăвĕ иртнĕ. Унта пухăннисем «Раççейри пенсионерсен союзĕн» районти уйрăмĕн ертÿçин А.Спиридонован информацине итленĕ. Вăл юлашки çулсенчи ĕçсем çинче чарăнса тăнă, пенсионерсен обществăри активлăхне уçса панă. Анчах та Аза Егоровна хăйне Элĕк территори суйлав комиссин секретарьне суйланă май, председатель ĕçĕнчен хăтарма ыйтнă. Унăн ыйтăвне тивĕçтернĕ. Çĕнĕ ертÿçĕне вара Элĕкри культурăпа кану центрĕнче ертсе пыракан методистра ĕçлекен Любовь Константинована суйланă. Вăл аслă пĕлÿ илнĕ. Культура тытăмĕнче 1968 çултанпа ĕçлет.