00:00 16 февраля 2013 г.
Вутланти пĕтĕмĕшле пĕлÿ паракан тĕп шкулти вĕрентекенсем ачасен тавра курăмне аталантарас тĕллевпе тĕрлĕ мероприятисем ирттереççĕ.
Çак кунсенче шкулта математика эрни пулчĕ. Программăра: математика ăмăртăвĕ, викторина, «Вунă «5», «Математикăн асамлă вăйĕ уйĕ». Ăмăртусенче Марина Яковлева, Кристина Мешкова (7 кл.) тата «Косинус» команда тавçăрулăхпа палăрчĕç. «Асамлă уй» шоура 8-мĕш класра вĕренекен Таня Варламова «Çăмăл автомобиль» çĕнсе илчĕ. Светлана Капитонова ăста вĕрентекен пулнине районта иртнĕ математика олимпиадинче Марина Яковлева (7 кл.) 1-мĕш вырăн çĕнсе илни те çирĕплетет.
П.СТЕПАНОВА,
директорăн вĕренÿ енĕпе ĕçлекен çумĕ.